Etapari Arrietako plazan emango diogu hasiera Itzurigaina mendiko magaletik jarraituz Urtalde auzora iritsi bitarte, bidean aurrera eginda Ikasta “Baso-etxe”-aren ondoan dagoen bidegurutzera helduko gara. Sollube mendiaren magaletik joko dugu aurrera, baso mota ezberdinak gurutzatu ostean Meñakako Mesterika auzoarekin egingo dugu topo. Ibilbidean aurrera jarraitzen badugu Mungiako Larrauri auzoa atzean utzi eta Zumetzagako San Migel ermitarainoko igoerari ekingo diogu Hemendik Bakiorainokoa maldan behera egingo dugu Kantauri itsasoaren eta kostak eskainitako bistekin. Artzalde auzotik igaro eta pasealeku urbanoan bukatzen da etapa.